Kumpulan Kila-kila Bagian ka-1

Lamun aya bulu mata nu ragag, bakal aya nu kangen/sono.

Lamun aya cihcir di imah, bakal aya karuhun nu datang.

1. Lamun aya kupu-kupu asup ka imah, bakal aya tamu/sémah.
2. Lamun aya manuk gaak sasada di deukeut imah, bakal aya kulawarga nu pupus.
3. Lamun aya oray meuntas walungan, bakal aya caah gedé.
4. Lamun aya piring nu peupeus sorangan, bakal aya kapapaitan di kulawrga.
5. Lamun aya sora manuk cingcuit sasada tarik bakal aya hujan gedé.
6. Lamun di imah loba teké, bakal loba milik.
7. Lamun di jalan diisingan ku manuk, bakal meunang milik.
8. Lamun magrib aya kupu-kupu hideung asup ka imah, bakal datang pipanyakiteun.
9. Lamun orok ngising taina héjo, bakal téréh bisa leumpang.
10. Lamun sirah karagragan daun nu ragag tina tangkal, bakal téréh maot.
11. Lamun datang bulan (haid) poé ahad, bakal datang kasusah.
12. Lamun datang bulan (haid) poé senén, bakal nampa surat.
13. Lamun datang bulan (haid) poé salasa, bakal datang kabungah.
14. Lamun datang bulan (haid) poé rebo, bakal tugenah atawa nyeri haté.
15. Lamun datang bulan (haid) poé kemis, bakal loba halangan.
16. Lamun datang bulan (haid) poé jumaah, bakal aya nu hayang tapi buit.
17. Lamun datang bulan (haid) poé saptu, bakal nampa rusiah.
18. Lamun datang bulan (haid) ping 1, bakal nampa surat.
19. Lamun datang bulan (haid) ping 2, bakal susah.
20. Lamun datang bulan (haid) ping 3, bakal aya nu ngahina.
21. Lamun datang bulan (haid) ping 4, bakal aya nu méré barang.
22. Lamun datang bulan (haid) ping 5, bakal nyeri haté.
23. Lamun datang bulan (haid) ping 6, bakal aya nu nyaah.
24. Lamun datang bulan (haid) ping 7, bakal gering.
25. Lamun datang bulan (haid) ping 8, bakal nyeri haté.
26. Lamun datang bulan (haid) ping 9, bakal nyeri haté.
27. Lamun datang bulan (haid) ping 10, bakal nampa barang.
28. Lamun datang bulan (haid) ping 11, bakal nampa surat.
29. Lamun datang bulan (haid) ping 12, bakal nyéri haté.
30. Lamun datang bulan (haid) ping 13, bakal aya nu ngahina.
31. Lamun datang bulan (haid) ping 14, bakal paséa.
32. Lamun datang bulan (haid) ping 15, bakal aya surat.
33. Lamun datang bulan (haid) ping 16, bakal nampa barang.
34. Lamun datang bulan (haid) ping 17, bakal aya nu ngahina.
35. Lamun datang bulan (haid) ping 18, bakal aya nu nyaah.
36. Lamun datang bulan (haid) ping 19, bakal aya nu ngahina.
37. Lamun datang bulan (haid) ping 20, bakal aya nu méré surat.
38. Lamun datang bulan (haid) ping 21, bakal aya asih.
39. Lamun datang bulan (haid) ping 22, bakal aya asih.
40. Lamun datang bulan (haid) ping 23, bakal kawin.
41. Lamun datang bulan (haid) ping 24, bakal tugenah.
42. Lamun datang bulan (haid) ping 25, bakal aya nu méré surat.
43. Lamun datang bulan (haid) ping 26, bakal aya nu ngéwa.
44. Lamun datang bulan (haid) ping 27, bakal aya nu nyaah.
45. Lamun datang bulan (haid) ping 28, bakal aya nu ngéwa.
46. Lamun datang bulan (haid) ping 29, bakal aya nu ngéwa.
47. Lamun datang bulan (haid) ping 30, bakal nu méré surat.
48. Lamun datang bulan (haid) ping 31, bakal bungah.
49. Lamun datang bulan (haid) dina Bulan Januari, bakal bungah.
50. Lamun datang bulan (haid) dina Bulan Pébuari, bakal aya nu nyaah.
51. Lamun datang bulan (haid) dina Bulan Maret, bakal aya nu nunggu.
52. Lamun datang bulan (haid) dina Bulan April, bakal aya nu nyaah.
53. Lamun datang bulan (haid) dina Bulan Mei, bakal tugenah.
54. Lamun datang bulan (haid) dina Bulan Juni, bakal aya nu ngéwa.
55. Lamun datang bulan (haid) dina Bulan Juli, bakal aya nu ngarep-ngarep.
56. Lamun datang bulan (haid) dina Bulan Agustus, bakal aya nu nyaah.
57. Lamun datang bulan (haid) dina Bulan Séptémber, bakal aya nyaah.
58. Lamun datang bulan (haid) dina Bulan Oktober, bakal aya nu nunggu.
59. Lamun datang bulan (haid) dina Bulan Nopémber, bakal aya nu kangen.
60. Lamun datang bulan (haid) dina Bulan Désémber, bakal aya nu nunggu.
61. Lamun aya Béntang Kukus kaluar di kalér, bakal loba pangagung nu teu merhatikeun ka rahayat.
62. Lamun aya Béntang Kukus kaluar di kalér-wétan, bakal loba jalma nu sarusah lantaran dahareun marahal.
63. Lamun aya Béntang Kukus kaluar di kidul, bakal aya pagebug sasatoan
64. Lamun aya Béntang Kukus kaluar di kidul-wétan, halodo tarik pepelakan loba teu jaradi
65. Lamun aya Béntang Kukus kaluar di kulon, bakal marurah sagala rupa dahareun jeung pakéan
66. Lamun aya Béntang Kukus kaluar di kulon-kalér, bakal marahal barang-barang, jeung tatangkalan gararing
67. Lamun aya Béntang Kukus kaluar di wétan, bakal loba hujan pepelakan bakal subur
68. Lamun aya katumbiri di kalér cepet, sandang pangan murah
69. Lamun aya katumbiri di kalér-wétan, loba sasalah panyakit
70. Lamun aya katumbiri di kidul cepet, mahal sandang pangan
71. Lamun aya katumbiri di kidul-kulon, sasalad panyakit banget
72. Lamun aya katumbiri di kulon cepet, réa hujan, sandang pangan murah
73. Lamun aya katumbiri di kulon-kalér, réa hujan
74. Lamun aya katumbiri di wétan-kidul, réa hujan
75. Lamun aya lini di bulan Hapit ti beurang, bakal loba jalma nu palinter ngadukeun kapinteranna
76. Lamun aya lini di bulan Hapit ti peuting, loba jalma nu parindah lantaran teu betah
77. Lamun aya lini di bulan Jumadil-Ahir ti beurang, bakal marahal sasatoan
78. Lamun aya lini di bulan Jumadil-Ahir ti peuting, bakal aman moal aya nanaon
79. Lamun aya lini di bulan Jumadil-Awal ti beurang, bakal pagebug réa jalma nu paraéh
80. Lamun aya lini di bulan Jumadil-Awal ti peuting, bakal moal datang hujan (paceklik)
81. Lamun aya lini di bulan Muharam ti beurang, bakal marahal sandang pangan
82. Lamun aya lini di bulan Muharam ti peuting, bakal halodo tarik, mahal sandang pangan
83. Lamun aya lini di bulan Mulud ti beurang, bakal loba jalma nu nganiaya ka papadana
84. Lamun aya lini di bulan Mulud ti peuting, bakal loba jalma nu dikaniaya ku baturna nu hayang meunang kadudukan
85. Lamun aya lini di bulan Puasa ti beurang, bakal aya kajadian loba jalma nu susah
86. Lamun aya lini di bulan Puasa ti peuting, bakal loba sémah pada bingung lantaran henteu betah dihiji tempat
87. Lamun aya lini di bulan Rajab ti beurang, bakal loba jalma nu garering
88. Lamun aya lini di bulan Rajab ti peuting, bakal loba jalma nu baringung lantaran datang musuh anu ngarebut kakawasaan
89. Lamun aya lini di bulan Rayagung ti beurang, kudu sing ati-ati, rikrik gemi, sabab bakal aya paila gedé
90. Lamun aya lini di bulan Rayagung ti peuting, bakal marahal sandang pangan
91. Lamun aya lini di bulan Rewah ti beurang, bakal loba jalma nu garering nepi hanteuna (ajalna)
92. Lamun aya lini di bulan Rewah ti peuting, bakal loba barang-barang turun harga (sandang pangan murah)
93. Lamun aya lini di bulan Sapar ti beurang, loba jelema nu teu betah dina tempatna hayang parindah
94. Lamun aya lini di bulan Sapar ti peuting, loba jalama dina kabungahan
95. Lamun aya lini di bulan Sawal ti beurang, bakal usum pagebug loba jalma garering (épidémi)
96. Lamun aya lini di bulan Sawal ti peuting, sing ati-ati, sabab bakal aya bahaya nu rék ngarebut kakuasaan Pamaréntahan
97. Lamun aya lini di bulan Silih-Mulud ti beurang, bakal loba hujan
98. Lamun aya lini di bulan Silih-Mulud ti peuting, bakal loba jelema pada mati lantaran pagebug.